13 қаңтар 2025, 17:46 1442

ҚТЖ павлодарлық қызметкерлері үшін заманауи автобустар сатып алды

Фото: Олжас Ахметов

Павлодар станциясына тасымалдау процесіне қатысатын Павлодар жүк тасымалы бөлімшесінің қызметкерлерін тасымалдауға арналған отандық өндірістен шыққан 9 заманауи автобус жеткізілді. Автобустар Павлодар, Екібастұз, Ақсу станцияларына және Екібастұз вагон пайдалану депосына беріледі.

Әлеуметтік тұрақтылықты жақсарту бағдарламасы аясында «ҚТЖ-Жүк тасымалы» ЖШС «СемАз» ЖШС отандық өндірушісінен 22 Dongfeng маркалы жолаушылар автобусын және 14 Газ-А65 R33 шағын автобусын сатып алды.

«Біз үшін қызметкерлеріміз үшін қолайлы және қауіпсіз еңбек жағдайларын қамтамасыз ету басымдық болып табылады. Адамдарымыздың жұмыс орындарына және ауысымнан кейін үйлеріне уақтылы әрі еш қиындықсыз жетуі маңызды», - деп атап өтті Павлодар жүк тасымалы бөлімшесінің директоры Азамат Тайжанов.

Жаңа автобустар Қазақстанның бірқатар өңірлеріне: Ақмола, Қостанай, Павлодар, Қарағанды, Семей, Алматы, Жамбыл, Шымкент, Ақтөбе, Атырау және Маңғыстау филиалдарына бөлінеді.

Айдана Ертай

Дереккөз: "Қазақстан теміржолшысы"

Еще больше новостей на нашем telegram-канале , подписывайся и будь в курсе!

К списку статей Следующая статья